A children’s' street song illustrating a profound change in the way of life in the Gorbals.

(To hear a sample of this song on your PC performed by the 'Cairney Clan', click on the note icon below to download the song in MP3 format.

The singers are Karen Hazlett, Leslie-Ann Hazlett, Ross Hazlett, Cheryl Cairney and Gillian Cairney.

 Jeely Piece Song

I'm a skyscraper wean, I live on the nineteenth flair,

 An' I'm no gaun oot tae play ony mair,

'Cause since we moved tae Castlemilk I'm wasting away,

 'Cause I get one less meal everyday

Chorus

Oh, yae cannae fling pieces oot a twenty storey flat,

 Seven hundred hungry weans 'ill testify tae that,

 If it's butter, cheese or jeely, if the breid is plain or pan,

 The odds against it reaching earth are ninety-nine tae wan.

 -

On the first day ma maw flung oot a daud o' Hovis broon,

 It came skytin' oot the widae and went up instead o' doon,

 Noo every twenty-seven hoors it comes back intae sight,

 'Cause my piece went intae orbit and became a satellite.

 Chorus

On the second day ma maw flung me oot a piece again,

 It went an' hit the pilot of a fast low flying plane,

 He scraped it aff his goggles, shouting through the intercom'

 "The Clydeside Reds have got me wi' a breid an' jeely bomb".

Chorus

On the third day ma maw thought she'd try another throw,

 The Salvation Army band was standin' doon below,

 "Onward Christian Soldiers" was the piece they should have played,

 But the oompah man was playing ma piece and marmalade.

Chorus

So we've wrote away tae Oxfam tae try an' get some aid,

 An' a' the weans in Castlemilk have formed a piece brigade,

 We're gonnae march on George's Square demanding civil rights,

 Like nae mair hooses ower piece-flinging heights.

Written by Adam McNaughton (1967)

If a navigation bar does not appear down the left side of the page, click here....www.thegorbals.co.uk